काठमाडौं। ओमानले एसियन गेम्स पुरुष क्रिकेट छनोटको सेमिफाइनलमा नेपालसामु ९५ रनको लक्ष्य प्रस्तुत गरेको छ ।
सिङ्गापुरको सिंगा ओभलमा टस जितेर ब्याटिङ गरेको ओमान १९.४ ओभरमा ९४ रन बनाउँदै अल आउट भएको हो।
ओमानका लागि ब्याटिङतर्फ कप्तान सुफ्यान मोहम्मदले बनाएको ३८ रन नै सर्वाधिक हो। जुबिइर अलि अकबरले २२ र अब्दुइजाइल खानले १६ रन बनाए। अन्य ब्याटरले दोहोरो अंक जोड्न सकेन। आजको खेल जितेमा नेपाल फाइनल पुग्ने छ।
नेपालको लागि बलिङतर्फ करण केसीले तीन विकेट लिए । सोमपाल कामी र सन्दीप लामिछानेले दुई–दुई विकेट हात पर्दा शाहब आलम, कुशल मल्ल र दीपेन्द्रसिंह ऐरीको नाममा एक–एक विकेट रह्यो ।
