चेल्सीलाई पराजित गर्दै म्यानचेस्टर युनाइटेड काराबाओ कप फुटबलको क्वाटरफाइनलमा प्रवेश गरेको छ । बुधबार रति भएको खेलमा २–१ गोल अन्तरले चेल्सीलाई पराजित गर्दै युनाइटेड क्वाटरफाइनलमा पुगेको हो । चेल्सीको मैदानमा मार्कुस राष्फोर्डको दुई गोलमा युनाइटेडले जित आफ्नो कब्जामा पार्न सुफल रह्यो ।
चेल्सीका लागी भने मिसी बात्सुईले एक गोल फर्काएका थिए । स्टामफोर्ड ब्रिजमा खेलको २५ औं मिनेटमा राष्फोर्डले पेनाल्टीमा गोल गर्दै युनाइटेडलाई अग्रता दिलाएका थिए । बात्सुईले खेलको ६१ औं मिनेटमा गोल गर्दै घरेलु टिमलाई १–१ को बराबरीमा फर्काए ।
तर, राष्फोर्डले खेलको ७३ औं मिनेटमा फ्रिकिकबाट व्यक्तिगत दोस्रो गोल गर्दै युनाइटेडलाई २–१ को जित दिलाए । काराबाओ कप अन्तर्गत नै अर्को खेलमा एस्टन भिल्लाले वुल्भ्सलाई २१ ले हराएर क्वाटरफाइनलको यात्रा तय गरेको छ ।
