काठमाडाैँ । यु-१९ महिला राष्ट्रिय क्रिकेट प्रतियोगिताअन्तर्गत आज भएको खेलमा कर्णाली प्रदेशलाई पराजित गर्दै मधेस प्रदेश विजयी भएको छ । यो हारसँगै कर्णालीे लगातार दोस्रोपटक पराजित भएको छ भने मधेसले लगातार दोस्रोपटक जित दर्ता गराएको हो ।
सुदूरपश्चिम प्रदेशले अहिलेसम्म खेलेका तीनवटै खेल जितेर उपाधिको बलियो दाबेदार बनेको छ । आज कालुङचोक मैदानमा भएको कर्णालीविरुद्धको खेलमा मधेसले नौ विकेटको फराकिलो अन्तरले जित हासिल गरेको हो ।
पहिलो खेलमा कोशीमाथि जित निकालेको मधेसले लगातार दोस्रो जितसँगै चार अङ्क जोडेको छ । पहिले ब्याटिङ थालेको कर्णालीले चार विकेटको क्षतिमा १०३ रनको लक्ष्य दिएको थियो । मधेसले यो लक्ष्य नौ दशमलव एक ओभरमा एक विकेट गुमाएर पूरा गर्यो । घरेलु मैदानमा कर्णालीका लागि कप्तान तिर्सना विश्वकर्माले नटआउट ४९ रनको पारी खेल्दा उमा चौधरीले ३३ रन जोडिन् ।
कर्णालीकी ओपनर सरिता विष्टले पहिलो ओभरमा एक रन जोड्दै आउट भएपछि दोस्रो ओभरमा ओपनर सोविता शाही साक्षी यादवको बलमा शून्यमा आउट भइन् । कर्णालीका लागि तिर्सना र उमाले १०२ रनको सम्मानजनक योग बनाएका हुन् । अर्धशतक पूरा गर्नबाट एक रनले चुकेकी तिर्सनाले ६५ बलको सामना गर्दा तीन चौकासहित ४९ रन बनाइन् ।
उमाले ३३ बलमा चार चोकासहित २९ रन जोडिन् । जवाफी ब्याटिङमा उत्रिएको मधेसका लागि ओपनरद्वय सना प्रविनले नटआउट ४४ र अलिशा यादवले ४७ रन जोड्दै आठौँ ओभरसम्म साझेदारी गरी जित सुनिश्चित गरेका हुन् । पहिलो खेलमा अर्धशतकीय पारी खेलेकी सनाले २१ बलमा नौ चौका तथा अलिशाले ३३ बलमा आठ चौका र एक छक्कासहित ४७ रन बटुलेर जितको आधार तयार परेका हुन् ।
आजै वीरेन्द्रनगरको खेल मैदानमा भएको खेलमा सुदूरपश्चिमले लुम्बिनीलाई आठ विकेट पराजित गरेको छ । टस जितेर पहिला ब्याटिङ रोजेको लुम्बिनीले ओपनर अञ्जी पाठकको ७६ र आशना चौधरीको २४ रनको मद्दतमा पाँच विकेट गुमाएर १४१ रन बनाएको थियो । लुम्बिनीका अरु ब्याटरले दोहोरो अङ्क जोड्न सकेनन् ।
एकतीस (३१) रन अतिरिक्त खर्चिँदै कमजोर बलिङ प्रर्दशन गरेको सुदूरका लागि ओपनरले जितका लागि १३२ रनको साझेदारी गर्दै बलियो जग बनाए । पैतालीस बलको सामना गरेकी ‘प्लयेर अफ दी म्याच’ सावित्री धामीले एक छक्का र ११ चौकासहित नटआउट ७६ रन बनाइन् भने करुणा विष्टले चार चौकासहित ४० बलमा ४५ रन बटुलिन् । प्रतियोगिताअन्तर्गत पहिलो खेलमा कोशीमाथि ८९ रनको जितसहित प्रतियो
