काठमाडौं । अन्तर्राष्ट्रिय मैत्रीपूर्ण फुटबलका लागि कतार गएको नेपाली यू–२३ राष्ट्रिय फुटबल टिम आइतबार बिहान स्वदेश फर्किएका छन् । नेपाली टोलीलाई अखिल नेपाल फुटबल संघ (एन्फा) का पदाधिकारीले स्वागत गरेका थिए । नेपाली यू–२३ टिमले शुक्रबार राति म्यानमारको यू–२२ टिमसँग दोहामा मैत्रीपूर्ण खेल खेल्दा २–२ गोलको बराबरीमा सकाएको थियो ।
म्यानमारविरुद्ध दुई पटकको अग्रता जोगाउन नसक्दा नेपालले बराबरीमा चित्त बुझाएको थियो । नेपालको लागि अनन्त तामाङ र रेजिन सुब्बाले गोल गरेका थिए । नेपालमा आयोजना हुने १३ औं दक्षिण एसियाली खेलकुद (साग) को तयारीमा रहेको नेपाली टिम म्यानमारको यू–२२ टिमसँग एक मैत्रीपूर्ण खेलका लागि कतार गएका थिए ।
मंसिर १५ देखि २४ गतेसम्म १३ औं साग काठमाडौं र पोखरामा सञ्चालन हुनेछ ।
