काठमाडाैंः इङलिस प्रिमियर लिगमा शनिबार भएकाे खेलमा चेल्सीले न्यूक्यासल युनाइटेड विरूद्ध संघर्षपूर्ण जित निकालेकाे छ ।
मध्यान्तर र पछिकाे खेलमा चेल्सीले बलमाथि निकै राम्राे नियन्त्रण र प्रत्याक्रमण गरेपनि ७३अाैं मिनेटमा अलाेन्साेले गाेल गरेका थिए । खेलमा न्यूक्यासलका गाेलरक्षकले राम्राे बचाउ गरेका कारण थप गाेल हुन पाएन ।
याे विजयसँगै चेल्सी ९ खेलबाट १७ अंकसहित तेस्राे स्थानमा उक्लेकाे छ ।
उता, यस सिजनकाे शुरूदेखि नै कमजाेर प्रदर्शन गरिरहेकाे टाेटेनह्याम वाटफाेर्डसँग १ – १ काे बराबरीमा राेकियाे । एक समय हारकाे नजिक पुगेकाे अवस्थामा टाेटेनह्यामका डेली अलिले अन्तिम समयमा एक गाेल गरी स्काेर बराबरीमा ल्याएका थिए ।
यस बराबरीसँगै टाेटेनह्यामकाे ९ खेलबाट १२ अंकका साथ साताैं स्थानमा छ ।
शनिबार नै खेलिएका अन्य खेलमा एभरटनले वेस्टह्याम युनाइटेडलाइ २-०, एस्टनभिल्लाले ब्राइटनलाइ २ – १, लेस्टरले बर्नलीलाइ २ – १ ले पराजित गरेका छन् भने बर्नमाउथ र नर्विचकाे खेल ० – ० तथा उल्भ्स र साउथह्याम्प्टनबीचकाे खेल १ – १ काे बराबरीमा समाप्त भएकाे छ ।
शनिबार राति नै म्यान्चेस्टर सिटी र क्रिस्टल प्यालेसबीच खेल हुँदैछ ।
एजेन्सीकाे सहयाेगमा
