काठमाडौं । पाकिस्तान क्रिकेट बोर्डले अनुभवी विकेटकिपर एवं ब्याट्सम्यान सर्फराज अहमदलाई टेस्ट र टी–२० क्रिकेटको कप्तानबाट हटाएको छ ।
बोर्डले सर्फराजलाई हटाउँदै टेस्ट क्रिकेटको कप्तानमा ब्याट्सम्यान अजहर अली र टी–२० क्रिकेटमा बाबर आजमलाई कप्तानमा नियुक्त गरेको छ । तर एकदिवसीय क्रिकेटको कप्तानमा भने सर्फराज नै रहने छन् ।
हालै पाकिस्तान भ्रमणमा आएको दोस्रो दर्जाको श्रीलंकाली टोलीसँगका तीन वटै टी२० खेलमा पाकिस्तान पराजित भएपछि सर्फराजको कप्तानीमाथि दबाब परेको थियो ।
पाकिस्तानले यही नोभेम्बरमा अष्ट्रेलियासँग तीन खेलको टी–२० शृंखला र दुई खेलको टेस्टकाे शृंखला क्रिकेट खेल्दैछ ।
टेष्ट क्रिकेटको कप्तानीको जिम्मेवारी पाएपछि आफ्नो लागि ठूलो अवसर भएको भन्दै अलीले सर्फराजले निकै राम्रो तरिकाले कप्तानको भूमिका निभाएको बताएका छन् ।
सर्फराजले पाकिस्तानी टिमकाे नेतृत्व गर्न पाएकामा गाैरवकाे अनुभूति भएकाे बताउँदै नवनियुक्त मेरा सहकर्मीहरू, प्रशिक्षक र चयनकर्तालाइ धन्यवाद दिनुभएकाे छ । उहाँले अजहर अलि र बाबरकाे नियुक्तिले पाकिस्तानी टिमलाइ अझ उचाइमा लैजान सहयाेग पुग्ने विश्वास व्यक्त गर्नुभयाे ।
