काठमाडौं । गैरआवासीय नेपाली संघ (एनआरएनए)को अध्यक्षमा अर्का प्रत्यासी कुल आचार्यलाई पछि पार्दै कुमार पन्त बिजयी भएका छन् । औपचारिक घोषणा हुन भने बाकि नै रहेको छ। नेकपा निकटबाट कुमार पन्त र काँग्रेस निकटबाट कुल आचार्यले निर्वाचनमा प्यानल नै बनाएर चुनाव लडेका हुन् ।
मतगणना बिहीबार राति ११ बजेदेखि सुरु भएको थियो । बुधबार विद्युतीय मेसिनबाट मतदान गर्ने प्रक्रिया नमिलेपछि बिहीबार मतपत्रबाट मतदान भएको थियो। सो निर्वाचन आगामी दुई वर्षको नेतृत्व चयनका लागि भएको हो । दुई हजार ५७० मतदाता रहेकोमा दुई हजार ३४० मात्र मत खसेको छ ।
विहिवार राती नै अन्तिम अतपरिणाम आइसक्ने अपेक्षा गरिएपनि सामान्य विवादकै कारण शुक्रबार मात्र अन्तिम मतपरिणाम आएको हो । यस वर्षको गैरआवासीय नेपालीको हर्कतका कारण नवौं विश्व सम्मेलन नै विवादित बन्न पुगेको छ ।
