काठमाडौं । राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशन जारी रहेकाले प्रतिनिधि सभा बैठक पुनः स्थगित गरिएको छ।
यसअघि बिहीबारका लागि तय गरिएको बैठक शुक्रबार दिउँसो १ बजेसम्मका लागि सारिएको थियो। तर महाधिवेशनको प्रक्रिया अझै सम्पन्न नभएपछि सूचना जारी गर्दै बैठक अब शनिबार बिहान ११ बजेसम्मका लागि स्थगित गरेका छन्।
रास्वपाको महाधिवेशन असार ७ गतेदेखि भरतपुरमा सञ्चालन भइरहेको छ। नेतृत्व चयन र अन्य प्रक्रियाका कारण महाधिवेशन लम्बिँदा पार्टीका सांसदहरू व्यस्त रहेकाले प्रतिनिधि सभा बैठकसमेत प्रभावित भएको हो।
