काठमाडौँ । राष्ट्रिय स्वतन्त्र पार्टी (रास्वपा) का महाधिवेशनबाट निर्वाचित नवनिर्वाचित पदाधिकारी तथा केन्द्रीय सदस्यहरूको पद तथा गोपनीयताको शपथग्रहण कार्यक्रम बुधबार हुने भएको छ।
पार्टीका अनुसार शपथग्रहण कार्यक्रम बिहान ११ बजे काठमाडौँको वनस्थित केन्द्रीय कार्यालयमा आयोजना गरिनेछ। शपथपछि नवनिर्वाचित केन्द्रीय समितिको पहिलो बैठक पनि बस्ने कार्यसूची रहेको छ।
चितवनको भरतपुरमा सम्पन्न महाधिवेशनबाट पार्टीका पदाधिकारी र केन्द्रीय सदस्यहरू निर्वाचित भएका थिए। निर्वाचन परिणाम सार्वजनिक भएकै दिन सभापति रवि लामिछानेले भरतपुरमै पद तथा गोपनीयताको शपथ लिएका थिए।
बुधबार हुने कार्यक्रममा अन्य नवनिर्वाचित पदाधिकारी तथा केन्द्रीय सदस्यहरूले पद तथा गोपनीयताको शपथ ग्रहण गर्नेछन्।
