काठमाडौं । नेकपा (एमाले)का नेता योगेश भट्टराईले राज्यको क्रुर र अमानवीय व्यवहारका कारण नागरिकहरू आत्मदाह र आत्महत्या गर्न बाध्य भइरहेको टिप्पणी गर्नुभएको छ।
शुक्रबार गणेश नेपालीकाे मृत्युपछि सामाजिक सञ्जालमार्फत प्रतिक्रिया दिँदै नेता भट्टराईले राज्य र सरकारले आफ्नो कार्यशैली तथा व्यवहार परिवर्तन गर्नुपर्ने आवश्यकता औँल्याउनुभएको हो।
उहाँले नेपालमा निरंकुश राणा शासन अन्त्यको आधार तयार पार्ने घटनाका रूपमा योगमाया न्यौपानेले अरुण नदीमा लिएको जलसमाधिको साहसिक निर्णयलाई स्मरण गर्दै इतिहासबाट राज्यले पाठ सिक्नुपर्ने उल्लेख गर्नुभएको छ।
नेता भट्टराईले संविधान, कानून, लोकतन्त्र, मानवअधिकार तथा नेपाली समाजले निर्माण गरेको सभ्यता र संस्कृतिको सम्मान गर्न सरकारलाई आग्रह गर्दै राज्यसँग कार्यशैली परिवर्तन गर्नुको विकल्प नरहेको बताउनुभएको छ।
उहाँले पछिल्लो घटनालाई संकेत गर्दै गणेश नेपालीहरू अब हेपिन तयार छैनन्भ न्दै नागरिकको पीडा, असन्तुष्टि र आक्रोशलाई राज्यले गम्भीर रूपमा लिनुपर्ने धारणा व्यक्त गर्नुभएको छ।
