काठमाडौं । नेपाल तरूण दलले पार्टीको केन्द्रीय कार्यालय सानेपामा प्रर्दशन गरेको छ।
शुक्रबार दिउँसो महासचिव भूपेन्द्रजंग शाही समूहले तरूण दलभित्र भएको ‘गुण्डागर्दी बन्द गर्न माग गर्दै’ पार्टी कार्यालयमा नाराबाजीसहित प्रर्दशन गरेका हुन्। उनीहरूले अध्यक्ष जितजंग बस्नेतको राजीनामा मागेका छन्।
कांग्रेसले दिउँसो ३ बजे केन्द्रीय समिति बैठक डाकेको छ। बैठक सुरू हुनु पूर्व नेताहरूलाई दबाब दिने भन्दै तरूण दलले प्रर्दशन गरेको हो। तरूण दलमा अध्यक्ष बस्नेत र महासचिव शाहीले एकअर्कालाई कारबाही गरेको विज्ञप्ति जारी गरेपछि बिबाद बढेको छ।
