काठमाडौं । आगामी मंसिर १४ गते हुने उपनिर्वाचनका लागि निर्वाचन आयोगले २१ वटा राजनीतिक दललाई दर्ता गरेर चुनाव चिह्न प्रदान गरेको छ ।
निर्वाचन आयोगका सहायक प्रवक्ता उपसचिव सूर्यप्रसाद गौतमले बिहीवार प्रेस विज्ञप्ति जारी गर्दै दर्ता भएका दल र चुनाव चिह्न सार्वजनिक गरेका हुन् ।
पार्टी एकीकरण नभएका पुराना दल नेपाली कांग्रेस, राष्ट्रिय प्रजातन्त्र पार्टी लगायतका दलको चुनाव चिह्न भने पुरानै रहने छ ।
