काठमाडौं । पूर्वसांसद् तथा नेकपाका नेता हरि बैरागी दाहालको ६२ वर्षीको उमेरमा निधन भएको छ । नेता दाहालको मस्तिष्कघातबाट निधन भएको हो । संखुवासभा क्षेत्र नम्बर १ बाट २०५१ सालको आमनिर्वाचनमा सांसद् निर्वाचित दाहाल पछिल्लो समय ऊर्जा क्षेत्रमा काम गरिरहेका थिए ।
दाहाललाई दुई दिनअघि मस्तिस्कघात भएपछि शिक्षण अस्पतालमा भर्ना गरिएको थियो । उनको निधन हृदयघात र मस्तिकघातका कारण भएको नेकपाका केन्द्रीय सदस्य तथा संखुवासभाका सांसद् राजेन्द्र गौतमले बताए ।
दाहालको पार्थिव शरीर श्रद्धाञ्जलीका लागि बिहान १० देखि ११ बजेसम्म पार्टी केन्द्रीय कार्यालय धुम्बाराहीमा राखिने नेकपाले जनाएको छ । उनी २०४३ सालको पञ्चायती चुनावमा जनपक्षीय उम्मेदवार बनेका थिए ।
