चर्चित पप गायिका निकी मिनाजले अब म्युजिकको दुनियाँबाट टाढा भएर आफ्ना पार्टनर केनेथ जु पेट्टीकेसँग घर बसाउन थालेकी बताएकी छिन् ।
मिनाजले ट्विटरमा लेखेकी छिन्–’मैले रिटायर्ड हुने र आफ्नो परिवार बसाउने फैसला गरिसकेकी छु।’ उनको यो ट्विटबाट उनका फ्यान निकै निरास भएका छन्। अघिल्लो वर्ष निकी एउटा भिडियोका कारण निकै चर्चामा थिइन् जसमा र्यापर कार्डी बीले उनीमाथि आफ्नो बालापनको मजाक उडाएको आरोप लगाएका थिए। तर निकीले यसको खण्डन गर्दै आएकी छन्।
