काठमाडौं । बेलायती प्रधानमन्त्री बोरिस जोनसनका भाइ जो जोनसनले सांसद र राज्यमन्त्रीबाट राजीनामा दिएका छन्।
अक्टोबर ३१ सम्म सम्झौता (डिल) भए पनि नभए पनि युरोपियन युनियनबाट छुट्टिने ९ब्रेजिक्ट० वाचा गरेका बोरिसको उक्त योजनामा संसद तगारो बनेको छ। उनको कन्जरभेटिभ पार्टीका सांसद ब्रेजिक्टको विरोधमा उभिएका छन्। सांसदहरू विपक्षमा उभिएसँगै जोनसनले हाउस अफ कमन्समा रहेको सामान्य बहुमत गुमाएका छन्। यही संकटका बीच बोरिसका भाइ जोले बिहीबार सांसद र मन्त्रीबाट राजीनामा दिएका हुन्।
जो सन २०१० देखि लगातार सांसद हुँदै आएका छन्। थेरेसा मेको सरकारमा पनि उनी मन्त्री थिए। बीचमा उनले मे सरकारको मन्त्रीबाट राजीनामा दिएका थिए। गत जुलाईमा दाजु बोरिस प्रधानमन्त्री भएपछि जो व्यापार तथा शिक्षा मन्त्रालय जुनियर मन्त्री बनाइएका थिए।
