काठमाडौँ । नेकपा एमालेका महासचिव शङ्कर पोखरेलले आगामी निर्वाचनपछि एमाले मुलुकको पहिलो शक्ति बन्ने दावी गर्नुभएको छ ।
गत मङ्सिर २५ र २६ गते बसेको एमालेको केन्द्रीय कमिटीको निर्णय सार्वजनिक गर्न आयोजना गरिएको पत्रकार सम्मेलनमा उहाँले निर्वाचनमा आउने जनमतले एमाले पहिलो शक्ति बन्ने दावी गर्नुभएको हो । अब जिल्ला र प्रदेश अधिवेशन गर्ने तयारीसँगै आगामी निर्वाचनमा जनतासमक्ष आफ्ना एजेण्डा लिएर जाने उहाँको भनाइ थियो ।
उहाँले पार्टी अध्यक्षमा केपी शर्मा ओलीसँग पराजित भीम रावललाई पार्टी अध्यक्षसँग परामर्श गरेर जिम्मेबार दिइने बताउनुभयो । १० औं राष्ट्रिय महाधिवेशनबाट निर्वाचित र मनोनीत सदस्यहरूलाई पार्टीले जिम्मेवारी बाँडफाँट गरिसकेको छ ।
