बलिउडका बादसाह अर्थात अमिताभ बच्चनले हालै मात्र ‘कौन बनेगा करोडपति’ को सेटमा आफ्नो सम्पत्तिका बारेमा एक महत्वपूर्ण खुलासा गरेका छन् । सोनी टेलिभिजनबाट प्रसारण हुने गेम रियालिटी शो ‘कौन बनेगा करोपति–११’ मा गत शुक्रबार कर्मवीर स्पेशल इपिसोडमा भारतीय समाजसेवीका सिन्धुताई सपकाल हटसिटमा थिइन् ।
बातचित गर्ने क्रममा बलिउड अभिनेता लमिताभ बच्चनले एक रहस्यमय कुरालाई सबैको अगाडि खुलस्त गरेका थिए । समाजसेवी सपकालको संघर्षमय जिवनी सुनेर अभिनेता लमिताभ बच्चन भावुक हुँदै भने,‘मैले पहिला पनि भनेको थिएँ र आज पनि भन्दैछु, जब म मरेर जान्छु, मर्नुभन्दा अगाडि मसंग जे जति सम्पत्ति बाँकी रहन्छ, धेर–थोर जति नै सम्पत्ति बाँकी रहे पनि त्यो सम्पत्ति मेरा दुई सन्तान छन्, एक छोरा र एक छोरी, उनीहरुलाई आधा–आधा बाँडेर दिनेछु, दुबैले बराबरी पाउने छन्, चाहे जे जति होस् ।’
उनको यो निर्णयलाई सुनेर सबैले तालि बजाएका थिए । हाल अभिनेता अमिताभ बच्चनसंग करिव ४ सय ६० करोड भारतीय रुपैयाँ बराबरको सम्पत्ति रहेको छ । यो कुराको खुलासा अमिताभकी धर्मपत्नी जया बच्चनको निर्वाचन आयोगमा बुझाइएको पत्रबाट भएको हो ।
