काठमाडौं– राजधानीको इन्द्रचोकबाट सांसद भावना सुवेदीको पाकेटमारी गर्ने कार्यमा संलग्न १९ वर्षीय निश्चल थिङलाई प्रहरीले पक्राउ गरेको छ । पक्राउ परेका थिङ सर्लाही बरथहवा घर भई हाल राजधानीको मैतीदेबि बस्ने रहेको प्रहरीले जनाएको छ ।
चितवन निवासी सांसद भावना काम विशेषले गत साउन २६ गते इन्द्रचोक जाँदा भिडभाडमा थिङले सुबेदीले साथमा बोकेको झोलाबाट नगद ७ हजार ३००, परिचय पत्र एटीएम कार्ड, लगायत अन्य महत्वपूर्ण कागजातहरु समेत चोरेर फरार भएका थिए ।
सांसद सुवेदीले दिएको उजुरीको आधारमा महानगरीय प्रहरी वृत्त जनसेवा गौशालाबाट पक्राउ गरेको हो । थिङको बारेमा थप अनुसन्धान भइरहेको काठमाडौं प्रहरी प्रवक्ता कृष्ण कुमार चन्दले जानकारी दिएका छन् ।
