जाकर्ता । इन्डोनेसियाको फ्लोरेस टापुको समुद्रमा ७.३ रेक्टर स्केलको भूकम्प गएको छ । भूकम्प गएसँगै मौसम विभागले सुनामीको सम्भावना रहेको चेतावनी दिएको छ । अमेरिकी भौगर्भिक सर्वेक्षणका अनुसार मङ्गलबारको भूकम्पको केन्द्रविन्दु समुद्रको १८.५ किलोमिटर गहिराइमा थियो । यो मौमेरे शहरबाट करिब ११२ किलोमिटर टाढा हो ।
अमेरिकी भौगर्भिक सर्वेक्षणका अनुसार मङ्गलबारको भूकम्पको केन्द्रविन्दु समुद्रको १८.५ किलोमिटर गहिराइमा थियो र यो स्थान मौमेरे शहरबाट करिब ११२ किलोमिटर टाढा रहेको छ।
मौमेरे पूर्वी नुसा टेङ्गारा प्रान्तको दोस्रो ठूलो शहर हो र यहाँ करिब ८५ हजार जनसङ्ख्या रहेको छ । राष्ट्रिय प्रकोप न्यूनीकरण (व्यवस्थापन) एजेन्सीका प्रवक्ता अब्दुल मुहारीले उक्त क्षेत्रमा बसोबास गर्ने मानिसहरूले भूकम्पको धक्का महसुस गरेको बताउनुभयो । टेलिभिजनमा प्रसारण गरिएका भिडियोहरूमा भूकम्पले हल्लाएर भवनहरूबाट बाहिर निस्किएका मानिसहरू देखाइएको छ।
मुहारीले भन्नुभयो, ‘अहिलेसम्म भूकम्पका कारण कुनै पनि मानवीय वा धनमालको क्षतिको विवरण आएको छैन । कार्यदलले भूकम्प प्रभावित क्षेत्रबाट तत्काल सूचना सङ्कलन गर्ने प्रयास गरिरहेको छ ।’ इन्डोनेसिया २७ करोड जनसङ्ख्या भएको एक विशाल द्वीप समूह हो । यो मुलुक बारम्बार भूकम्प, ज्वालामुखी विष्फोट र सुनामीको जोखिममा रहेको छ ।
