भक्तपुर: जिल्ला प्रशासन कार्यालय भक्तपुरले विद्युतीय राहदानी (ई–पासपोर्ट) सेवा प्रारम्भ गरेको छ ।
भक्तपुरकी प्रमुख जिल्ला अधिकारी रुद्रादेवी शर्माले ई–पासपोर्ट सेवाको उदघाटन गर्दै विश्वमै नवीनतम प्रविधिको ई–पासपोर्टले विश्वका विभिन्न मुलुकको यात्रामा सहज हुने बताउनुभयो ।
ई–पासपोर्ट लिन चाहने व्यक्तिले निवेदन दिँदा आफूले स्थायी बसोबास गरेको नागरिकता लिएको वा बसाईसराई गरेको जिल्लामा मात्र निवेदन दिन सकिने बताइएको छ । साथै नागरिकता च्यातिएको, जारी मिति उल्लेख नभएको, विवरण नबुझिने भएमा नयाँ नागरिकता प्रतिलिपि लिएर मात्र फारम भर्न प्रजिअ कार्यालयले प्रकाशन गरेको सूचनामा उल्लेख छ ।
यसैगरी, फारम भर्दा राष्ट्रिय परिचय पत्र नम्बर अनिवार्य रुपमा राख्नु पर्नेछ । पुरानो पासपोर्टको म्याद हुनेको हकमा विद्युतीय राहदानी उपलब्ध नगराइने पनि कार्यालयले जनाएको छ ।
