वीरगञ्ज । पर्साको पटेर्वासुगौली गाउँपालिका–५ देउरियाबाट २८३ किलो गाँजा र ५ किलो चरेश बरामद गरिएको छ ।
इलाका प्रहरी कार्यालय पटेर्वा सुगौली र सशस्त्र प्रहरी बेस पोखरियाको टोलीले मकवानपुरतिरबाट गाँजा ल्याइ देउरियास्थित घरहरुमा लागूऔषध गाँजा र चरेश लुकाएर राखिएको भन्ने सूचनाको आधारमा गएको छाप मारेको थियो ।
स्थानीय फुसन माझीको घरबाट १५ किलो गाँजा, चरेश ५ किलो र माझीको घरभन्दा केही पर रहेको नालाबाट २६८ किलो गाजा फेला परेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक अनन्तराम शर्माले जानकारी दिए ।
त्यसबारे थप अनुसन्धान भइरहेको उनको भनाइ छ ।
