काठमाडौं । साताको दिन मंगलबार नेप्सेमा सामान्य सुधार आएको छ ।
नेप्से आज १.८७ अंकले बढेर १३००.२८ बिन्दुमा चढ्दा सेन्सिटिभ इन्डेक्स पनि ०.२७ अंकले बढेर २७९.२४ बिन्दुमा चढेको छ ।
मंगलबार एक सय ७६ वटा कम्पनीहरुको आठ हजार पाँच सय ५४ वटा कारोवारमा २५ लाख २० हजार सात सय ९० कित्ता सेयर खरिद बिक्री हुंदा कारोवार रकम ७२ करोड ८८ लाख २८ हजार सात सय ४५ रुपैयाँ पुगेको छ ।
नेप्सेमा आज बाँणिज्य बैंक समुहको सुचक २.५६ अंकले घटेर ११७५.३१ बिन्दुमा झर्दा फाईनान्स समुहको सुचक पनि घटेको छ । बिकास बैंक समुहको सुचक भने दुई दसमलव दुई अंकले बढेर १५ ६४.१० बिन्दुमा चढ्दा जलबिद्युत समुहको सुचक पनि १.३७ अंकले बढेर ११८३.८ बिन्दुमा चढेको छ ।
यसैगरी निर्जिवन बीमा समुहको सुचक पनि ५.२३ अंकले बढेर ५८०९.२३ बिन्दुमा चढेको छ । यि बाहेक जीवन बीमा, होटल, उत्पादन मुलक, अन्य र लघुबित्त समुहको सुचक पनि बढेकाछन् ।
आज बढी कमाउने कम्पनी हिमालयन डिष्ट्रिलरी प्रालिको प्रतिकित्ता सेयर मुल्य १० रुपैयाँले बढेर १६ सय ५० रुपैयाँमा कारोवार भएको छ भने गुमाउने कम्पनी पाँचथर पावर कम्पनीको प्रतिकित्ता सेयर मुल्य नौ रुपैयाँ ६२ पैसाले घटेर दुई सय १६ रुपैयाँमा कारोवार भएको छ ।
