काठमाडौं । सरकारी वेबसाइट तथा सर्भरमा समस्या देखिएपछि आइतबार बिहानैदेखि सरकारी कार्यालयबाट हुने कामकाज प्रभावित बनेको छ।
सरकारले विभिन्न सेवालाई अनलाइनमा आधारित बनाउँदै लगे पनि सर्भर http://mofald.gov.np/ डाउन भएपछि देशभरका अधिकांश सरकारी कार्यालयका साइट बन्द भएका हुन् ।
सरकारी कार्यालयका साइट बन्द हुँदा मालपोत, राहदानी, यातायात विभागजस्ता कार्यालयमा काम हुन सकेको छैन् ।
सरकारी साइट भिजिट गर्नेको संख्या उच्च हुँदा सर्भर डाउन भएको हुनसक्ने राष्ट्रिय सूचना प्रविधि केन्द्रका एक अधिकारीले जानकारी दिए ।
समस्या समाधानका लागि काम भइरहेकोले केहीबेरमा सर्भरहरू चल्ने केन्द्रले जनाएको छ।
