काठमाण्डौं। इस्लामिक स्टेट (आईएस) विद्रोही समूहका नाइके मानिएका अबु बकर अल बग्दादी बोलेको भिडियो मेसेज सार्वजनिक भएको छ । सन् २०१४ मा इराकी सहर मोसुलमा क्यालिफेट घोषणा गर्ने क्रममा देखिएका पाँच वर्षपछि पहिलो पटक उनी भिडियोमार्फत देखिएका हुन् ।
भिडियो सार्वजनिक भए लगत्तै अमेरिकाले फेरी सो समुलाई ध्वस्त पारिदिने प्रतिबद्धता गरेको छ । अमेरिकी विदेश मन्त्रालयले आईएसको नियन्त्रणमा रहेको भूभाग नियन्त्रणमा लिए पनि आईएस विरुद्धको लडाइँ जारी रहेको बताउँदै यस्तो प्रतिबद्धता गरेको हो ।
भिडियोमा अल बग्दादी कालो ड्रेस लगाएर भुईमा बसेका छन् । उनले भिडियोमार्फत हालै श्रीलंकामा भएको एकपछि अर्को आक्रमणबारे आईएसको आफ्नो जिम्मेवारी रहेको प्रशंसासमेत गरेका छन् । उनले आफ्ना लडाकु मारेको प्रतिरोधमा धेरै आक्रमण गरेकोसमेत बताए छन् ।
यसअघि रुस र इराकले हवाई आक्रमणमा अल बग्दादी सम्भवतस् मारिइसकेको घोषणा गरिएको थियो । तर बीबीसीका एक संवाददाताले भने ‘ती व्यत्तिm उनै हुन्, यदि हैन भने कोही अन्य उनी जस्तै देखिने एक हुनुपर्छ’ भन्ने बताएका छन् ।
अमेरिकाले भने सन् २०१७ मा भएको एक आक्रमणमा उनी गम्भीर घाइते भएको र उनलाई महिनौँसम्म युद्धभूमिबाट पर लगिएको बताएको थियो। अब उनको आगमनसँगै आईएसहरुलाइै झन प्रोत्साहन मिल्ने डर देखिएको छ ।
उनको सो भीडियो सोमबार आईएसको मिडिया विंग अल फ्रुकनमा सार्वजनिक भएको हो ।
