काठमाडौं । इन्डियन प्रिमियर लिग (आईपीएल) अन्तर्गत गए राति भएको खेलमा सनराइजर्स हैदरावादले किंग्स इलाभेन पन्जावलाई ४५ रनले पराजित गरेको छ ।
हैदरावादले घरेलु मैदानमा टस हारेर ब्याटिङ पाउदा निर्धारित २० ओभरमा ६ विकेट गुमाउँदै डेविड र्वानरको ८१ रनको ठुलो योगदानमा हैदरावादले २ सय १२ रन बनाएको थियो ।
पन्जावले भने निर्धारित २० ओभरमा ८ विकेट गुमाउँदै १६७ रन मात्रै बनाउन सक्यो । हैदरावादका लागि डेविड वार्नरले ७ चौका र २ छक्काको मद्दतमा ८१ रन बनाएका थिए ।
त्यस्तै मनीष पाण्डेले ३६ र रिद्धिमान साहले २८ रन बनाए । पन्जावका मोहम्मद शमी र कप्तान आर अश्विनले बराबर २ विकेट हात पारे ।
अर्कातर्फ पन्जावका ओपनर केएल राहुलले ७९ रन बनाएर हैदरावादको सामना गरे । उनी १८ औँ ओभरको दोस्रो बलमा आउट भए जब पन्जावका ६ विकेट गुमेर १६० रन थियो । राहुललाई अन्य कसैले साथ दिन नसक्दा पन्जावको जित निश्चित भएको थियो । क्रिस गेलले समेत ४ रन बनाएर साझेदारी तोडे । मयन्क अग्रवाल २७, निकोलस पूरनले २१ र सिमरन सिंहले १६ रन बनाए ।
हैदराबादका खलील अहमदले ४० रन दिएर तीन, राशिद खान ले २१ रनदिएर तीन र सन्दीप शर्माले ३३ रन दिएर दुई विकेट हात पारे ।
रशिदले यो पटक शानदार बलिंग गरेका हुन् । उनले यसअघि चेन्नईविरुद्व १७ रन दिएर दुई विकेट दिएका थिए ।
