काठमाडौं । शीर्ष स्थानको बार्यन म्युनिख रेलिगेसनमा रहेको एफसी नुरिम्बर्गसँग बराबरीमा रोकिएपछि जर्मन बुन्डेस लिगाको उपाधि होड रोमाञ्चक मोडमा पुगेको छ ।
आइतबार राति भएको खेलमा बार्यन म्युनिखले नुरिम्बर्गसँग १–१ गोलको बराबरी खेल्दै अंक बाँडेको छ । बार्यनको यस नतिजाले उपाधि दौड खुला भएको छ । दोस्रो स्थानमा रहेको बोरुसिया डर्टमन्ड शनिबारमात्र अर्को कमजोर टोली साल्केसँग ४–२ गोलले पराजित भएको थियो । उक्त नतिजाले हौसिएको बार्यन नुरिम्बर्गसँग रोकिँदा डर्टमन्डलाई पनि फाइदा पुगेको छ ।
खेलमा नुरिम्बर्गले सुरुवाती अग्रता लिएको थियो । घरेलु मैदानमा नुरिम्बर्गका माथियस परेराले ४८ औँ मिनेटमा खाता खोलेका थिए । बार्यनका सर्ज ग्रान्बीले ७५ औँ मिनेटमा बराबरी गोल फर्काएका थिए । त्यसपछि नुरिम्बर्गले पेनाल्टीको सदुपयोग गर्न नसक्दा बार्यन हारबाट जोगिएको थियो ।
बराबरीसँगै बार्यनले ३१ खेलबाट ७१ अंक बनाएको छ । बार्यन दोस्रो स्थानमा रहेको डर्टमन्डभन्दा दुई अंकले अगाडी छ । डर्टमन्डको ६९ अंक छ ।
