काठमाडौं । प्रधानमन्त्री केपी शर्मा ओलीले प्रथम सगरमाथा आरोही महिला पासाङ ल्हामु शेर्पाबाट प्रेरणा लिएर अन्य क्षेत्रमा अघि बढ्न सबैलाई आग्रह गरेका छन् ।
मंगलबार पासाङ ल्हामु शेर्पाले सगरमाथा आरोहण गरेको २६ वर्ष पूरा भएको दिनको स्मरण गर्दै काठमाडौंमा आयोजना गरिएको एक कार्यक्रममा बोल्दै उनले प्रथम सगरमाथा आरोही महिला पासाङ ल्हामु शेर्पाले सगरमाथाको सफल आरोहण गरेर महिलाहरु पनि कम छैनन् भन्ने दृष्टान्त पेश गरेको उल्लेख गर्दै त्यसबाट प्रेरणा लिएर अन्य क्षेत्रमा अघि बढ्न पनि सबैलाई आग्रह गरेका हुन् ।
त्यस अवसरमा प्रधानमन्त्री ओलीले काठमाडौंको चुच्चेपाटीमा रहेको स्वर्गीय पासाङ ल्हामु शेर्पाको शालिकमा पुष्पगुच्छा समेत अर्पण गरेका थिए ।
