नेपाली कांग्रेस लुम्बिनी प्रदेशको सभापतिमा संस्थापनइतर समूहका अमर सिंह पुन विजयी भएका छन् । संस्थापन पक्षका उम्मेदवार भरत शाहलाई पराजित गर्दै पुन सभापतिमा निर्वाचित भएका हुन् ।
उपसभापतिमा राजु खनाल र भुवन श्रेष्ठ, महामन्त्रीमा विक्रम खनाल र सुरेन्द्र आचार्य तथा सहमहामन्त्रीमा विष्णुप्रसाद खनाल, खगराज पाण्डे र निमा गिरी निर्वाचित भएका छन् । उससभापतिमा निर्वाचित खनाल मात्रै देउवा पक्षका हुन । उनले पौडेल पक्षका अष्टभुजा पाठकलाइ पराजित गरेका छन् ।
तर लुम्बिनीमा पराजित भए पनि शेर बहादुर देउवा पक्ष प्रदेश अधिवेशनमा निकै बलियो देखिएकाे छ । हालसम्म देउवा प्यानलले प्रदेश १, बागमती प्रदेश, कर्णाली प्रदेश र सुदूरपश्चिम प्रदेशमा सभापति सहितका पदहरूमा विजय हासिल गरेको छ । रामचन्द्र पौडेल पक्षले भने गण्डकी र लुम्बिनी गरी २ प्रदेशमा मात्र विजय हासिल गरेको छ ।
