काठमाडौँ । जिल्ला अदालतबाट उच्च अदालतमा सिफारिस भएका ६ मध्ये ५ न्यायाधीशको कार्यक्षमतामाथि गम्भीर प्रश्न उठेको छ ।
परिषद्का सदस्यद्वय पदमप्रसाद वैदिक र रामप्रसाद सिटौला ले न्यायपरिषद्मा पेस गरेको छानबिन प्रतिवेदनमा कुल प्रसाद शर्मा, राजेशकुमार काफ्ले, महम्मद जुनेद आजाद, लेखनाथ ढकाल र नगेन्द्रलाल कर्णमाथि थप छानबिन र कारबाहीको सिफारिस गरिएको छ ।
छानबिनमा नपरेका बालमुकुन्द दवाडी ललितपुरको बलात्कारसम्बन्धी एक मुद्दामा अस्वाभाविक थुनछेक आदेश गरेकाले विवादित छन् । यो समाचार आजको कान्तिपुर दैनिकमा प्रकाशित छ ।
