मुम्बई । बलिवुडमा स्टारका छोरा छोरी लन्च हुने क्रम जारी रहेको छ । पछिल्लो पटक जान्ह्वी कपुर र सारा अली खानको सुखद बलिवुड डेभ्युपछि अब बलिवुडका किंग भनिने शाहरुख खानका छोरा आर्यन खानले बलिवुडमा डेभ्युको तयारी गरेका छन् ।
तर आर्यनले अभिनयबाट बलिवुड डेभ्यु भने गर्न लागेका हैनन् । फिल्मफेयरका अनुसार आर्यनले चर्चित फिल्म निर्देशक करण जोहरको फिल्म तख्तका लागि सहायक निर्देशनबाट बलिवुडमा काम सुरु गर्न थालेका हुन् ।
करण जोहरले निर्माण र निर्देशन गर्ने सो फिल्ममा आर्यनले करणको सहायक निर्देशकको भूमिका निभाउने भएका छन् ।
फिल्ममा रनबीर सिंह, करीना कपुर, विक्की कौशल, जन्द्वी कपुर अनिल कपुर, भुमि पेडनेकर लगायतका कलाकारको अभिनय हुने छ ।
शाहरुख खानले आफ्ना अन्तर्वार्तामा आफ्नो छोरा आर्यन फिल्ममा अभिनय भन्दा फिल्म मेकिंगमा बढी रुची राख्ने गरेको बताउदै आएका छन् । यसै कुरालाई पुष्टि गर्दै आर्यनले सहायक निर्देशकबाट आफ्नो बलिवुड क्यारियर सुरु गर्न लागेको बताइएको छ । यो फिल्मको अब छिट्टै नै सुटिंग हुने बताइएको छ ।
२१ बर्षिय आर्यनले हालै अमेरिकाको क्यालिफोर्नियाबाट फिल्म मेकिंगसमबन्धि अध्ययन पुरा गरेका छन् ।
