काठमाडौँ । रियल मड्रिडले पीएसजी स्ट्राइकर केलियन एमबाप्पेलाई सान्टियागो बर्नाबाउ भित्राउन प्रशिक्षक जिनेदिन जिदानले चासो देखाएका छन् ।
मड्रिड फर्किएपछि प्रशिक्षक जिदानले आउँदो समर ट्रान्सफर विन्डोमा एमबाप्पेलाई पहिलो टार्गेटमा राखेका हुन् । एमबाप्पेका लागि रियलले २८० मिलियन युरोको प्रस्ताव राख्ने तयारी गरेको छ ।
फ्रान्सका संचार माध्यमहरका अनुसार दुई वर्षअघि एमबाप्पे रियल मड्रिडमा आबद्ध हुने कुरा चलिरहेका बेला उनी पेरिस सेन्ट जर्मेइनमा आवद्ध भएका थिए । रियल मड्रिडका समर्थकले पनि नयाँ सिजनमा एमबाप्पेलाई सान्टियागो बर्नाबाउमा देख्न चाहेका बताएका छन् ।
नेयमार र इडिन्सन कभानीसँग निकै राम्रो कम्बिनेसन गरिरहेका एमबाप्पे अनुबन्ध गर्न रियलले पीएसजीलाई मनाउनु पर्नेछ ।
जसका लागि उसले यो भन्दा ठूलो रकम खर्च गर्नुपर्न सक्नेछ ।
प्रशिक्षक जिदानको छनोटमा एमबाप्पेबाहेक इडिन हाजार्ड, लेरोई साने, माउरो इकाडी र ह्यारी केन पनि छन् ।
