काठमाडौं । जनता सचेत गराउने प्रहरीको काम के हो ? सुन्दा पनि अच्चम लाग्छ । जिल्ला प्रहरी कार्यालय गोरखाको फेसबुक पेजमा अस्लील तस्विर पोष्ट गरिएको छ ।
सो अस्लील तस्बिर सोमबार साँझदेखि मंगलबार बिहानसम्म पनि यथावत रहेको छ।
सो फेसबुक एकाउन्ट बारे प्रहरी प्रमुख एसपी भोला रावलले पेज अरु कसैले चलाएको हुनसक्ने जानकारी दिए। ‘पेजमा यस्तो देखिएपछि तनाब हुन थालेको छ। रातभरि सुत्न पनि पाएको छैन’, एसपी रावलले भने, ‘विभिन्न ठाउँबाट फोन आइरहेका छन्। हामी निरन्तर त्यसलाई हटाउन र कसले यस्तो गर्यो भनेर पत्ता लगाउन लागिपरेका छौं।’ सिआईबीको समेत प्रयोग गरिएको उनले बताए।
