काठमाडौँ । नेपाली कांग्रेसले सरकारले विप्लव नेतृत्वको नेकपा समूहलाई आक्रोशित बनाउने काम गरेको आरोप लगाएको छ । सरकारले विप्लव समूहलाई प्रतिबन्ध लगाउने र ठाँउ–ठाँउमा नचाहिने कुरा बोलेर झन् उत्तेजित र आक्रोशित बनाउने काम गरेको निकर्ष निकालेको हो ।
सोमबार बसेको कांग्रेस संसदीय दलको बैठकले विप्लव समूहलाई झन् उत्तेजित र आक्रोशित बनाउन नहुने ठहर गरेको हो । प्रमुख सचेतक बालकृष्ण खाँणले उक्त समूहलाई प्रतिबन्ध लगाउनु नै सरकारको गलत कदम भएको बताए ।
उनले कांग्रेसले हत्या हिंसा र हतियारको राजनीति छाडेर शान्तिपूर्ण राजनीतिमा आउन विप्लव समूहलाई आग्रह गरेको पनि बताए ।
