काठमाडौँ । पाँचौ संस्करणको साफ महिला च्याम्पियनसिप फुटबल प्रतियोगितामा आयोजक नेपाल भारतसँग ३–१ ले परााजित भएको छ ।यो सँगै भारतले पाँचौ पटक उपाधि जितेको हो । भारतसँग फाइनलमा नेपालको यो चौथो हार हो ।
विराटनगरस्थित शहिद रंगशालामा भएको खेलमा पहिलो अग्रता भारतले लिएको थियो । भारतको लागि खेलको २४ औं मिनेटमा जालीमा छिपरले फ्रिकिकमार्फत् अग्रता बनाएकी थिइन । तर खेलको ३३ औं मिनेटमा नेपालले बराबरी गोल फर्ककाएको थियो । नेपालका लागि सावित्रा भण्डारीले हेड गोल गर्दै १–१ को बराबरी बनाएकी थिइन् । पहिलो हाफ बराबरी खेलेको नेपालले दोस्रो हाफमा दूई गोल खायो ।
दोस्रो हाफमा नेपालको प्रदर्शन राम्रो हुन सकेन । नेपालले ६३औं मिनेटमा दोस्रो गोल खान पुग्यो । भारतकी ग्रेस दाङमेले किपरलाई विट गर्दै गोल गरिन् । यससँगै नेपाल दबावमा आयो ।
खेलको ७८औं मिनेटमा अन्जु तामाङले गोल गर्दै भारतको जित सुनिश्चित गरिन् ।
