न्युजील्याण्ड । प्रधानमन्त्री जाकिन्दा आर्डेनले सैनिकले चलाउने खालका अर्ध स्वचालित हतियार, एसल्ट राइफल र उच्च क्षमताका म्याग्जीन्सहरुमा रोक लगाइने घोषणा गरेकी छन् ।
गएको शुक्रबार क्राइस्ट चर्च क्षेत्रका दुई मश्जिदमा एक व्यक्तिको गोली प्रहारबाट ५० जना मानिसको ज्यान गएपछि प्रधानमन्त्रीले पछिल्ले घोषणा गरेकी हुन् ।
अर्ध स्वचालित हतियारहरु जुन शुक्रबारको आक्रमणमा प्रयोग भएका थिए त्यस्ता हतियार प्रयोगमा रोक लगाउने सम्बन्धी कानुन तत्कालै ल्याइने समेत उनले जनाइन् ।
उनले यस सम्बन्धी कानुन अप्रिल ११ सम्ममा आउने उल्लेख गर्दै अहिले बन्दुक बोक्ने जसले ती हतियार बुझाउन चाहन्छन् अहिलेबाटै बुझाउन थाल्न उनीहरुलाई आग्रह समेत गरेकी छन् । गएको सोमबार न्युजील्याण्डको मन्त्रिपरिषद्ले बन्दुक सम्बन्धी कानुन पुनरावलोकनको लागि सैद्धान्तिक सहमति जनाएकोमा विहीबार प्रधानमन्त्रीले सोही अनुसारको घोषणा गरेकी बीबीसीले जनाएको छ ।
