काठमाडौं । रोजगारीका लागि विदेसिएका ५४५ जना नेपाली कामदार विदेशी जेलमा रहेको खुलेको छ । विभिन्न अभियोगमा कारागरमा जीवन विताउन बाध्य नेपालीलाई ‘ब्लड मनी’ जुटाएर नेपाल ल्याउने क्रम चलिरहेको वैदेशिक बिभागले जनाएको छ ।
वैदेशिक रोजगार प्रवर्द्धन बोर्डका अनुसार हाल विदेशको जेलमा ५२६ पुरुष र १९ महिला छन् ।
सबैभन्दा धेरै मलेसियाका जेलमा २०५ जना बन्दी जीवन बिताउँदैछन् । यस्तै यूएईमा १८५, कुवेतमा ५८, साउदीमा ५४, कतारमा ३५, बहराइनमा ५ र ओमानमा ३ नेपाली जेलमा छन् । यूईमा मात्रै १२ जना नेपाली महिला जेल जीपन बितइरहेका छन् ।
यसैगरी विदशी अस्पतालहरुमा २४ जना नेपाली कोमामा छन् । यसमा २१ पुरुष र ३ महिला छन् । कतारमा ९ जना, साउदीमा ५ जना, बहराइन र कुवेतमा ४/४ जना नेपाली कोमामा उपचारत छन् । ओमान र यूइईमा पनि एक/एक जना नेपाली कोमामा छन् ।
