काठमाडौँ । क्रिकेट खेलाडी संघ सिप्यानको आयोजना गरेको एनसीसीएस सीप्यान क्रिकेट अवार्ड २०१९ को उदीयमान खेलाडी तर्फको अवार्ड रोहितकुमार पौडेलले जितेका छन् ।
उनले अविनाश बोहरा, सन्दीप जोरा, कविता कुँवर र ललितनारायण राजवंशीलाई पछाडि पारे ।
अवार्डसहित उनले ६६ हजार रुपैयाँ पाए ।
रोहितले माघ दोस्रो साता सचिन तेन्दुलकर र सहिद अफ्रिदीलाई पछि पार्दै अन्तर्राष्ट्रिय क्रिकेटमा अर्धशतक बनाउने कान्छो क्रिकेटरको कीर्तिमान बनाएका थिए ।
उनले १२ माघमा यूएईविरुद्ध ५४ रन बनाएका थिए ।
