काठमाडौँ । भारतीय वायूसेनाको लडाकु विमानले पाकिस्तान क्षेत्रमा बम खसालेको छ ।
बीबीसी हिन्दीका अनुसार विमानले एलओसी पार गर्दै बालाकोट नामको क्षेत्रमा बम खसालेको हो ।
भारतीय मिडियाहरुले भने वायुसेना सूत्रको हवाला दिँदै भारतका लडाकु विमानले बिहान ३ः३० बजे बालाकोट नजिक रहेको जैस ए मोहम्मदको एक शिविरमा हमला गरेर ध्वस्त पारेको दाबी गरेका छन् ।
उता भारतीय संचार माध्यम आजतकले पनि भारतको मरेज फाइटर जेटले पाकिस्तानको आतंककारी शिविरलाई नष्ट गरेको लेखेको छ । पाकिस्तानको सेनाले नै भारतीय विमानस्थलको पाकिस्तानी इलाका पार गरेर आतंककारी शिविरलाई नष्ट गरेको लोखेको छ ।भारतले यसबारे केही बोलेको छैन ।
पाकिस्तानको रक्षा विशेषज्ञ कमर चेमाले भने “हामी अझै पनि पाकिस्तानी सरकारको आधिकारिक बयानको प्रतीक्षा गर्दैछौं, भारतीय सरकारले चुनावलाई हेर्दा यस्तो किसिमको वातावरण बनाइरहेको छ।”
पूर्व जम्मु कश्मीरका मुख्यमन्त्री उमर अब्दुलले सामाजिक संजालमा टुईट गर्दै भनेका छन, “यदि यो सत्य हो भने यो एउटा ठूलो कार्य हो । तर, हामीले यसमाथि भारतीय सरकारको आधिकारिक कथनको प्रतीक्षा गर्नुपर्छ।” उनले भने अब यो कसरी हेर्नु पर्छ पाकिस्तानले यो कार्यलाई कसरी प्रतिक्रिया दिन्छ।
गत १४ फेब्रुअरीमा भारत प्रशासित काश्मिरको पलुवामामा आतंकवादी समूहको आक्रमणबाट ४६ भारतीय सैनिक मारिएका थिए । उक्त आतंकवादी समूहलाई पाकिस्तानले संरक्षण दिएको आरोप भारतले लगाइरहेको छ । यसले गर्दा दुई देशबीचको सम्वन्धमा तनाव उत्पन्न भइरहेको छ ।
