काठमाडौँ । इंग्लिस प्रिमियर लिगमा एकपछि अर्को खराब नतिजा आएको भन्दै लेस्टर सिटीले प्रशिक्षक क्लाउडी पउललाई बर्खास्त गरेको छ ।
शनिबार क्रिस्टल प्यालेससँग लेष्टर सिटी ४–१ गोलअन्तरले पराजित भएसँगै उनलाई कल्बबाट बर्खास्त गर्ने चर्चा चुलिएको थियो । नभन्दै लेष्टरले १६ महिना टिमको प्रशिक्षकका रुपमा काम गरेका पउललाई हटाएको हो ।
सन् २०१५–०१६ को इंग्लिस प्रिमियर लिगको उपाधि विजेता लेष्टरले यो सिजनमा एकपछि अर्को खराब प्रदर्शन गरेको छ ।
उसले खेलेको पछिल्लो ६ खेलमध्ये पाँच खेलमा हार ब्यहोरेको छ । लेष्टरले यसलाई मुख्य कारण बनाउँदै पउललाई बर्खास्त गरेको हो ।
सन् २०१७ मा लेस्टरले पउललाई तीन बर्षका लागि प्रशिक्षकको रुपमा नियुक्त गरेको थियो ।
