काठमाडौँ । आयरल्याण्डविरुद्धको सिरिजमा अफगानिस्तानका बलर रसिद खानले ‘कीर्तिमान’ कायम गरेका छन् ।
आइतबार राति भएको खेलमा अफगानिस्नताका रसिद खानले लगातार चार बलमा चार विकेट लिएका हुन् ।
पहिले ब्याटिङ गरेको अफगानिस्तानले २० ओभरमा ७ विकेट गुमाएर २१० रन बनायो । हजरतुल्ला जजाई ३१ रनमा आउट भए । तर, मोहम्मद नाबीले अफगानिस्तानको पारी सम्हाले । ३६ बलेका सामना गरेका उनले ६ चौका र ७ छक्का को मदतमा ८१ रन बनाए ।
जवाफमा मैदान उत्रिएको आयरल्याण्डको पारी ओब्रायन एक्लैले धानेका थिए । उनले दोस्रो विकेटका लागि एन्डी बालबेर्नीसँग ९६ रनको साझेदारी गरे । बालबेर्नी ४७ रनमा आउट भए । ओब्रायन भने क्रिजमा टिकिरहे ।
५ ओभर बाँकी थियो र आरयरल्याण्डलाई ६९ रन चाहिएको थियो । तर, १६ औं ओभरको अन्तिम बलमा केभिन ओब्रायनलाई पभेलियनको बाटो देखाएका रसिदले १८ औं ओभरको सुरुवाती तीन बलमा लगातार विकेट लिएका हुन् । टि–२० अन्तर्राष्ट्रियमा लगातार चार बलमा विकेट लिने उनी विश्वमै पहिलो बलर बनेका छन् ।
आयरल्याण्डले २० ओभरमा ८ विकेट गुमाएर १७८ रन बनाउन सक्यो र सिरिज अफगानलाई सुम्पियो ।
