काठमाडौं । आज (आईतबार) देखि उपसचिवलाई समायोजन सुरु भएको छ । सरकारले समायोजनमा जाने उपसचिवलाई समायोजनपत्र दिने भएको छ। कान्तिपुर दैनिकमा छ।
संघीय मामिला तथा सामान्य प्रशसन मन्त्रालयका प्रवक्ता सहसचिव सुरेश अधिकारीले आइतबारदेखि उपसचिवले आफूले रोजेको स्थानीय तह, प्रदेश वा केन्द्रमा जान समायोजनपत्र बुझ्न थाल्ने जानकारी दिए।
उपसचिवले आफ्नो समायोजनपत्र आफै प्रिन्ट गर्न सक्ने अवस्था मिलाइएको छ । उनका अनुसार आइतबार करिब दुई हजार जनाले अनलाइनबाट आफ्नो समायोजनपत्र प्रिन्ट गर्न सक्छन्।
