काठमाडौँ । भारतले वान डे श्रृंखलामा अस्ट्रेलियासँगको खेलमा नयाँ इतिहास रचेको छ।
मेलबर्नमा शुक्रबार भएको तेस्रो तथा निर्णायक वान डेमा भारतले अस्ट्रेलियालाई ७ विकेटले पराजित गरेको हो । अष्ट्रेलियाले दिएको २३१ रनको लक्ष्य भारतले ४ बल बाँकी छदै ३ विकेट गुमाएर पुरा गर्यो ।
भारतको जितमा महेन्द्र सिंह धोनीले अविजित ८७ रन जोड्दा केदार जादबले अविजित ६१ रनको अर्धशतकीय इनिङस खेले। कप्तान विराट कोहली ४६ रन बनाएर आउट भएका थिए।
यसअघि टस हारेर पहिले ब्याटिङ गरेको अष्ट्रेलियाले ४८ ओभर ४ बलमा अलआउट हुँदै २३० रन बनाएको थियो । अष्ट्रेलियाका लागि पिटर ह्यान्ड्सकम्पले ५८ रन जोडे । यस्तै शन मार्शले ३९ तथा उस्मान ख्वाजाले ३४ रन बनाए ।
अष्ट्रेलियालाई सस्तैमा समेट्न भारतका लागि युजभेन्द्र चाहल एक्लैले ६ विकेट लिए । यस्तै भुवनेश्वर कुमार र मोहमद सामीले २र२ विकेट लिए ।
यो जितसँगै भारतले नयाँ कीर्तिमान बनाएको हो । यसअघि ७१ वर्षपछि पहिलो पटक टेस्ट सिरीज जितेको भारतले वान डे श्रृंखला जितेसँगै एकै साथ अस्ट्रेलियन भूमिमा दोहोरो उपाधि जित्ने इतिहास बनाएको हो।
