बाजुरा । १२ वर्षीया नाबालिकालाई बलात्कार गरेको आरोपमा एक जना पक्राउ परेका छन् । पक्राउ पर्नेमा बुढीगंगा नगरपालिका–८ नुवाकोटका ४७ वर्षीय दलबहादुर थापा रहेको प्रहरीले जनाएको छ ।
बालिकालाई साँझपख भैंसीलाई घाँस हाल्न गएका बेला लुकेर बसेका थापाले बलात्कार गरेको प्रहरीले जनाएको छ । साँझ गोठबाट फर्किने क्रममा छोरीको कपडा च्यातिएको देखेर शंका लागेपछि आमाले सोधीखोजी गर्दा बलात्कारमा परेको बालिकाले बताएकी थिईन् ।
घटना ५ दिनअघि नै भएपनि घटनाबारे कसैलाई जानकारी गराए कुटपिट गर्ने धम्की दिएकाले ढिला थाहा भएकोको प्रहरीले जनाएको छ ।
तर पक्राउ परेका थापाले बयानको क्रममा बालिकाकै सहमतिमा शारीरिक सम्पर्क गरेको दाबी गरेका छन् । बालिकालाई उनको स्वास्थ्य परीक्षण गरी हाल मार्तडीस्थित सेफ हाउसमा राखिएको प्रहरीले जनाएको छ ।
