काठमाडौं । संघीय संसद् सचिवालयले सांसद र सचिवालयका पदाधिकारीहरूको तलब बैंक खातामै भुक्तानी दिने तयारी थालेको छ। सचिवालयले सांसदहरूलाई एसएमएस पठाउँदै आफ्ना स्वकीय सचिव र उनीहरूको बैंक खाता सचिवालयमा जानकारी दिन सूचित गरेको छ।
राजधानी दैनिकका अनुसार स्वकीय सचिवको माघ महिनाको तलब एभरेस्ट बैंकको खातामा उपलब्ध गराइदिने तयारी सचिवालयले गरेको हो। त्यसका लागि स्वकीय सचिवको नियुक्तिको फारामसमेत डिजाइन गरेर सांसदहरूलाई उपलब्ध गराएको सचिवालयका प्रवक्ता डा. रोजनाथ पाण्डेले बताए।
