काठमाडौं । नेपालका प्रथम राष्टपति डा. रामवरण यादवले पुनः चिकित्सकीय सेवामा फर्कने भएका छन्।
शनिबार बिपी स्मृति सामुदायिक सहकारी अस्पतालको ११औँ वार्षिक साधारणसभालाई सम्बोधन गर्दै प्रथम राष्ट्रपति यादवले चिकित्सकीय सेवामा फर्कने बताएका हुन्।
उनले देशका सरकारी अस्पतालमा दैनिक एक घण्टा बिरामीहरुको सेवा गर्ने गरी काम गर्ने बताएका छन्। पूर्वस्वास्थ्य मन्त्रीसमेत रहेका यादव राजनीतिमा आउनुभन्दा पहिले नेपाली काग्रेसका सस्थापक नेता बिपी कोइरालाको निजी चिकित्सक थिए। भारतको कोलकत्ताबाट चिकित्सा शिक्षा अध्ययन गरेका यादब कोइराला परिवारकै संगतमा राजनीतिमा आएका हुन्।
