काठमाडौं । इंग्लिस प्रिमियर लिग चेल्सीले वाटफोर्डलाई पराजित गरेको छ । बुधबार राति भएको खेलमा वाटफोर्डलाई चेल्सीले २–१ गोलअन्तरले पराजित गरेको हो ।
खेलको पहिलो हाफको थप समयमा चेल्सीका लागि हजार्डले गोल गर्दै चेल्सीलाई १–० अग्रता दिलाएका थिए । तर पहिलो हाफको अतिरिक्त समयमा नै वाटफोर्डका रोबेर्टोले गोल गर्दै खेललाई बराबरी ल्याएका थिए ।
तर खेलको ५८औं मिनेटमा हजार्डले पेनाल्टीबाट अर्को गोल थप्दै चेल्सीलाई २–१ गोलको जित दिलाएका हुन् ।
म्यान्चेस्टर युनाइटेडले हडर्सफिल्डलाई ३–१ ले हरायो
इंग्लिस प्रिमियर लिगको अर्को खेलमा म्यान्चेस्टर युनाइटेडले हडर्सफिल्ड टाउनलाई ३–१ गोलअन्तरले पराजित गर्न गरेको छ ।
बुधबार राति नै भएका अन्य खेलमा एभर्टनले बर्नेलीलाई ५–१ गोलअन्तरले पराजित गर्दा आर्सनल ब्रिगटोनसँग १–१ गोलको बराबरीमा रोकिएका छन् ।
त्यस्तै, फुलहृयाम र वोल्भ्सले १–१ गोलको बराबरी खेल्दा क्रिष्टल प्यालेस र कार्डिफ सिटीले भने गोलरहित बराबरी खेलेका छन् ।
