काठमाडौं। अस्ट्रेलियाको घरेलु क्रिकेट बिग बाश लिगमा नेपाली बलर सन्दिप लामिछाने ३ विकेट लिएका छन् ।
आफ्नो दोस्रो खेलमा पनि सन्दिपले सुरुमै प्रभावशाली खेल देखाए हुन् । उनले आफ्नो पहिलो ओभरको तेस्रो बलमै विकेट लिएका हुन् ।
सन्दिपले आफ्नो पहिलो ओभरमा एक विकेट लिँदै ५ रन दिए । उनले ४ ओभरमा २४ रन खर्चेर म्याथु वेड, अलेक्स डूलान र बेन म्याक्डर मोटको विकेट लिएका हुन् ।
सोमबार मेलबर्न होबर्ट हुरिकेन्ससँग ६ विकेटले पराजित भयो । मेलबर्नले दिएको १ सय ५६ रनको लक्ष्य उसले ८ बल बाँकी छँदा ४ विकेट गुमाएर भेट्टायो ।
पहिलो खेलमा पनि मेलबर्न, सिड्नी थन्डर्ससँग १५ रनले पराजित भएको थियो ।
