बलीउड नायीका प्रियंका चोपंडा गायीकाको रुपमा पनि परिचित छिन् । दुईवटा एलवम समेत निकालीसकेकी प्रियंकाको स्वरलाई पनि धेरैले रुचाएको पाईयो । यत कलिउडकी नायीका प्रियंका कार्कीले पनि बलीउडकी प्रियंकाको जस्तै गायनमा पनि जम्ने तयारी गरेकी छिन् । प्रियंकाले आफ्नै स्वरमा एउटा सोलो एल्बम निकाल्ने तयारी गरेकी छिन् । नाम नजुराइएको एक एल्बममा ८ वटा गीत रहनेछ जहाँं प्रियंकाको स्वर सुन्न सकिने छ । सबैले आफूलाई राम्रो गीत गाउँछ्यौ भनेपछि एल्बम निकाल्ने सुरमा रहेको प्रियंकाले जानकारी गराईन् ।
सानैदेखि गायनमा रूची रहेको बताउने नायीका प्रियंकाले यस अघि नै चलचित्र आवरणको शिर्ष गीत गाएकी थिइन् । आगामी साताबाट स्वतन्त्र… बोलको गीतबाट रेकर्डिङ शुरू गर्ने उनको भनाई छ । यसमा शब्द शैलेश श्रेष्ठ र संगीत शैलेन्द्र सिंहको रहनेछ । उनले आफूसँग भएको प्रतिभा देखाउन खोजेको बताईन् । उनले आठवटै गीतको भिडियो बनाउने बताएकी छिन् । अभिनय र गायनको अलवा प्रियंका एक कुशल करियोग्राफर समेत हुन् । उनले मेरो बेस्ट फ्रेन्ड, पुण्टे परेड र मिसन पैशा लगायतका चलचित्रका गीतमा करियोग्राफी गरेकी छिन् ।
