व्याकरणविद् तथा साहित्यकार वैयाकरण नेपालको ९२औँ स्मृति दिवस सुरुङ्गामा मनाइएको छ । इतिहासविद् प्राज्ञ ज्ञानमणि नेपालको प्रमुख आतिथ्यमा सम्पन्न कार्यक्रममा १०१ वर्षीय होमनाथ नेपाल तथा ज्येष्ठ नागरिक इन्द्रबहादुर कार्की र लक्ष्मीप्रसाद नेपाललाई सम्मान गरिनाका साथै प्रतिष्ठानका आजीवन सदस्यलाई प्रमाणपत्र प्रदान गरिएको थियो ।
कार्यक्रममा स्मृति प्रतिष्ठानका केन्द्रीय अध्यक्षसमेत रहेका प्राज्ञ नेपालले बालागुरु षडानन्दका शिष्यका रूपमा रहेका वैयाकरणले ‘रामायण किष्किन्धा काण्ड’,‘शालिहोत्र–अश्वगुणदोष निरुपण’, ‘तरर्कारी कल्प’, ‘टक्सारवर्णन’, ‘लङ्का वर्णन’, ‘विराट् वर्णन’ र ‘व्रतमाला–पुण्यशिक्षा’लगायत कृति प्रकाशन गरेर नेपाली भाषा र व्याकरणका क्षेत्रमा महत्वपूर्ण योगदान पु¥याएको बताए ।
