बीबीसी । आइसल्यान्डमा वैज्ञानिकहरू वनस्पतिबाट मासु उत्पादन गर्न एक लाखभन्दा बढी वंशाणु परिवर्तन गरिएको जौ हुर्काइरहेका छन्।
ग्रीनहाउस ग्यास, पशुकल्यान र अत्याधिक माछा माने विषयमा मासु उद्योग चुकेको आरोप लाग्ने गरेको छ । तर अइसल्यान्डमा एउटा कम्पनीले नयाँ जुक्ति निकालेको छ । प्रयोगशालामा पशुपंक्षीबिनै जौबाट मासु बनाउने १ यो प्रक्रियाबाट जौको बोटमा मासु फलाइन्छ ।
'ग्रोथ फ्याक्टर' भनिने विशेष प्रोटीन बोक्नेगरी जौमा विशेष परिवर्तन गरिन्छ । त्यसपछि फलेको जौ सङ्कलन गरी पिसिन्छ । त्यसपछि प्रयोगशालामा मासु बनाउन प्रशोधन गरिन्छ । प्रयोगशालाको मासुका लागि धेरै पशुपालनका लागि भन्दा कम ठाउँ र उर्जा चाहिन्छ । साथै हनिकारक फोहर पनि कम हुन्छ भन्ने मान्यता छ ।
मानिसले मासु खाने पशुका लागि चारा उत्पादन गर्न धेरै खेती योग्य जमिन चाहिन्छ । यस प्रक्रियाले त्यो जोगाउँछ । जौमा हालिने ग्रोथ फ्याक्टर पशुपक्षिबाट लिइएको हो । ठूलो मात्रामा मासु उत्पादन गर्न जौ सजिलो र सस्तो हुन्छ । अनि पशुपक्षीजस्तै जौ पनि विभिन्न जलवायुमा मौलाउन सक्छ ।
यो नयाँ प्रयोगले प्रयोगशालामा उत्पादन गरिने मासुका लागि पशुपक्षीमा भर नपरे पनि हुने अवस्था आउन सक्छ। अध्ययनकर्ताहरूले यसबाट हरितगृह ग्यास कम उत्सर्जन भई पर्यावरणलाई स्वच्छ राख्न योगदान गर्ने दाबी गर्छन्।
